ՅՈՒՎԵՆՏՈՒՍ ԱԿԱԴԵՄԻԱ ԱՐՄԵՆԻԱ․ ԷՍՔԻԶԻՑ ՄԻՆՉԵՎ ՄԵԾ ԲԱՑՈՒՄ
Երբ նոր էինք սկսում Յուվենտուս Ակադեմիա Արմենիայի նախագծումը, մեր նպատակը սոսկ պատեր կառուցելը չէր, մենք ցանկանում էինք կերտել մի միջավայր, որն էներգիա է գեներացնում:
Էսքիզից դեպի իրականություն ճարտարապետական այս ուղևորությունը հիմնված է լույսի և ձևի փոխազդեցության վրա:
Անչափ հպարտ ենք տեսնել Երևանում Յուվենտուս Ակադեմիա Արմենիայի պաշտոնական մեծ բացումը: Այս մասշտաբի մարզահամալիրի նախագծումը իսկական վարպետության դաս էր՝ բարձր արդյունավետությամբ օժտված, մարզական ենթակառուցվածքները նորարարական ու ժամանակակից դիզայնի հետ համադրելու գործում:
Բարձրակարգ բնական և արհեստական խոտածածկով խաղադաշտերից մինչև գերժամանակակից տեխնիկական վերլուծությունների սենյակներ, պրեմիում դասի մարզասրահներ և վերականգնողական գոտիներ՝ յուրաքանչյուր քառակուսի մետրը նախագծվել է այնպես, որ եվրոպական խիստ չափանիշներին համապատասխան կրթի ու դաստիարակի ֆուտբոլային տաղանդների հաջորդ սերնդին:
Կատարված աշխատանքի ամենաբարձր գնահատականն է տեսնել, թե ինչպես են ֆուտբոլային լեգենդ Ֆաբրիցիո Ռավանելին, ՈՒԵՖԱ-ի և պետական բարձրաստիճան պաշտոնյաները քայլում մեր նախագծած տարածքներով:
Սրտանց շնորհավորում ենք ողջ թիմին, գործընկերներին և ապագա չեմպիոններին, ովքեր այս ճարտարապետական կոթողն իրենց տունը կհամարեն: